Месут Озил одлучи да ја напушти фудбалската репрезентација на Германија поради навредите што ги доби од фановите по дебаклот на националниот тим на Светското првенство во Русија. Тој објасни дека заминува затоа што веќе не се чувствува убаво кога го носи дресот на Германија, затоа што е цел на расистички и политички навреди од јавноста. Но, еден од водечките луѓе на Баерн Минхен и германска фудбалска легенда, Ули Хенес, смета дека Озил сака да манипулира со јавноста.
„Кога Озил го одиграл последниот квалитетен меч во репрезентацијата? Јас ви велам, поминаа веќе неколку години. Последниот дуел што го има добиено на теренот е во 2014 година. Тој само сака да манипулира со медиумите и со јавноста“, изјави Ули Хенес, напаѓајќи го Озил за своите игри во последниот период.
Фудбалерот на Арсенал доби огромни критики од јавноста и поради појавувањето со Реџеп Ердоган, турскиот претседател. Поради тоа беше наречен и ’предавник’ во дел од јавноста.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
