Организаторите на последниот тениски гранд-слем турнир во сезоната, УС Опен, претставија револуционерна промена во играњето на конкуренцијата во мешани двојки, која својата премиера ќе ја има веќе оваа година.
Така, натпреварувањето во мешани двојки ќе се одржи неделата пред почетокот на самиот УС Опен, односно во текот на само два дена, во вторник на 19. и среда на 20. август, додека поединечна конкуренција ќе започне во недела на 24. август и ќе трае до 7 септември.
Организаторите објаснија дека со овој потег сакаат да ги привлечат најголемите ѕвезди на белиот спорт да се натпреваруваат во конкуренција во мешани парови, што не е случај кога тие се испреплетени со поединечна конкуренција.
На турнирот треба да учествуваат само 16 двојки, осум би се пријавиле по рангирање, а осум двојки би добиле покана од организаторите. Ќе се игра само на двата најголеми терени на комплексот во Флешинг Медоус, стадионите Артур Еш и Луис Армстронг, а правилата според кои ќе се игра би биле различни.
Така, сетовите би се играле на четири добиени гемови, во случај резултатот во играта да достигне 40-40, би се играл решавачки поен, во случај на резултат 4-4 во сетот, би се играл тај-брејк, а во случај на резултат 1-1 во сетови, победникот би се решавал со супер тај-брејк кој ќе се игра до десет освоени поени.
Тие правила би важеле до полуфиналето, додека финалето сепак би се играло во два добиени сета до шест гема.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
