Формула 1 објави дека се додадени уште две нови трки во календарот за 2020 година. Една од нив е дебито на патеката Муџело во Италија со која ќе биде одбележана 1.000 трка на Ферари. Ова натпреварување е закажано за викендот 11-13 септември, една седмица по трката во Монца.
Потврденo е и одржувањето на рускотo гран-при кое ќе биде во првично предвидениот термин, 25-27 септември. Досега Ф1 има календар од 10 трки, а е во обид да оформи календар во која ќе има од 15 до 18 натпреварувања, а крајот на сезоната би бил во декември.
„Пресреќни сме да соопштиме дека трките во Муцело и во Сочи ќе бидат дел од календарот за сезоната 2020. Имавме одличен почеток на првенството во Австрија минатиот викенд и се сме посигурни во реализацијата на нашите планови за оваа сезона“ – изјави претседателот на Ф1, Чејс Кери.
Од Формула 1 најавуваат нови трки во календарот за оваа сезона, а се очекува објавата да биде во следните недели.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
