Бојан Миовски со одличните партии во дресот на Абердин ја отвори вратата за македонските фудбалери во Шкотска. Така, по стапките на голгетерот тргнаа Дарко Здравковски, Кристијан Трапановски и Давид Бабунски, а на листата Македонци со настап во шкотската Премиер-лига наскоро би требало да се најде уште едно име.
Младинскиот репрезентативец на Македонија, Мартин Ѓоргиевски е многу блиску до потпис со тимот на Данди, со што овој 20-годишен фудбалер би го имал својот прв странски ангажман во кариерата. Иако има само 20 години, Ѓоргиевски веќе има околу 80 настапи во сениорскиот фудбал, а во изминатата сезона тој блескаше во средниот ред на тимот на Брера.
Како што информира RG, челниците на Данди се сериозно загреани за овој фудбалер, а преговорите со струмичкиот клуб се во завршна фаза. Останува да биде договорено на колку рати би се вршела исплатата на отштетата што треба да ја добие Брера, како и процентот од следниот трансфер, но се очекува и ова да биде надминато и Ѓоргиевски во најскоро време да се пресели на „островот“.
Тој за „сосед“ би го имал Кристијан Трапановски, кој од лани е дел од шкотската Премиер-лига, но во тимот на соседниот Данди Јунајтед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
