По убедливиот пораз од 4-0 на гостувањето против ТНС, и среќното продолжување понатака на европската сцена благодарение на убедливиот триумф од 5-0 во Скопје, Шкендија со уште еден шок во финишот од мечот во Велс.
Во последните минути од натпреварот повреда заработи македонскиот репрезентативец Марјан Радески, која се чини е од посериозен карактер ако се суди согласно лекарската интервенција. Повредата, според првиот впечаток, воопшто не изгледаше наивна за што сведочи и реакцијата на самиот Радески.
Марјан Радески на натпреварот во Велс во игра влезе на почетокот на второто полувреме на местото на Тодоровски, и не успеа да го заврши дуелот.
По деталните лекарски прегледи, се очекува од Шкендија преку официјално соопштение да информираат за тежината на повредата на македонскиот репрезентативец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
