Управата на Пелистер продолжува со засилувањата на играчкиот кадар, а битолчани го задржаа и трендот за ангажман на нови играчи од нашиот северен сосед.
Ѓорѓе Белиќ денеска го стави потписот на едногодишниот договор со „зелено-белите“, со што стана четврти српски фудбалер што летеово потпишува за „пелистерци“. Овој 27-годишен фудбалер настапува во средниот ред и пристигнува од српски Вождовац, а претходно ги има брането боите на Мачва, Дрина, Лозница и на Дубочица.
Белиќ е шесто засилување на Пелистер ова лето, откако битолчани претходно потпишаа договори и со Спировски, Ристиќ, Ристовски, Здравковиќ и со Булатовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
