Екипата на Е. Пелистер успеа да осигура уште еден важен потпис за ростерот за следната натпреварувачка сезона откако денеска го официјализираше новиот договор со Богдан Радивојевиќ.
Српскиот интернационалец е стандардно прва опција на десно крило во последните години, а во ситуација кога Костески е на излезна врата од клубот јасно е зошто битолчани инсистираа на останување на 32-годишниот Радивојевиќ.
„Нашиот ростер и следната сезона ќе биде преполн со родени шампиони. Еден од нив е Богдан Радивојевиќ, кој се обрвза на нов едногодишен договор со Еурофарм Пелистер. По две успешни сезони во првакот на Македонија, десното крило постигна согласност за соработка и за сезоната 2025/26.
32-годишниот Радивојевиќ освојувал трофеи секаде каде што настапувал. Во Партизан, Рајн Некар Левен, Флензбург, ПИК Сегед и Еурофарм Пелистер, Радивојевиќ остави голема трага и затоа огромно е задоволството што нашата соработка ќе продолжи.
Радивојевиќ во сезоните 2023/24 и 2024/25 одигра 27 натпревари за Еурофарм Пелистер во Лигата на шампионите, а минатата сезона го освои и шампионатот на Македонија“, објавија „зелено-белите“, еден ден пред одигрување на клучниот меч за титулата против Вардар во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
