Луис Хамилтон ќе тргне од пол-позицијата од уште една трка во Формула 1 шампионатот откако актуелниот првак оствари најдобро време на денешните квалификации на патеката Мугело во Италија.
Разочарувањето од последната трка во Монца дефинитивно е оставено зад големиот ас, кој денеска делуваше импресивно на патеката и стигна до уште една пол-позиција. Во прилог на Британецот беше и драматичната завршница, откако Окон излета од патеката, па со појавувањето на жолтото знаме згаснаа и надежите на ривалите дека во овие квалификации би можеле да остварат подобро време од Хамилтон.
Валтери Ботас ќе стартува од второто место на утрешната трка, а зад двата болиди на Мерцедес ќе се најде тандемот на Ред Бул, Ферстапен – Албон. Леклер оствари петто најдобро време во овие квалификации, повторно далеку подобро од својот тимски колега од Ферари, Себастијан Фетел, кој утрешната трка ќе ја стартува од 14. позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
