Реал Мадрид има огромен проблем со играчкиот кадар во последно време. Повредите на Милитао и на Родриго се најновите главоболки за тренерот Карло Анчелоти, кој сега остана без одбрана и ќе мора да бара алтернативни решенија.
И покрај тоа што неколкупати досега беше споменувано дека во зимскиот преоден рок Реал нема да се засилува, сепак, до тоа ќе мора да дојде, ако сака тимот да се бори за титулите. Веќе добро заостанува зад Барселона, а не игра ниту добро во Лигата на шампионите, каде што има две победи и два порази во најелитното натпреварување.
По крајот на сезоната, „кралевите“ веќе размислуваат да ги донесат Трент Александар-Арнолд, Џонатан Та, Алфонсо Дејвис како и Флоријан Вирц. За овие фудбалери веќе наголемо се шпекулира дека во иднина ќе го носат дресот на Реал Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
