Олександр Усик ги одбрани шампионските појаси во борбата против Британецот Дубоа, триумфирајќи со нокаут во деветтата рунда. Украинскиот боксер беше подобар ривал во голем дел од борбата, но се чини имаше и голема судиска помош во петтата рунда, кога еден удар на Дубоа заврши во неговиот стомак, Усик се најде на подот, но судиите оценија дека станува збор за удар под појасот.
Украинецот по неколку минути ја продолжи борбата, за пред крајот на деветтата рунда со серија одлични удари да го нокаутира Дубоа, кој има за што да жали.
„Мислам дека тоа не беше удар под појасот. Мислам дека сум измамен и ми е одземена победата што ја заслужив во рингот“, изјави Дубоа по дуелот во кој го претрпе само вториот пораз во кариерата.
Dubois was robbed of A Ko. Imo Fury beats Usyk pretty clear #UsykDubois pic.twitter.com/TePIpmoKAn
— All Things Combat (@AllRingside) August 26, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
