Реал Мадрид и Манчестер јунајтед одиграа 1-1 на пријателски натпревар во САД, како увертира за пресметката што овие два европски гиганти ќе ја имаат во Скопје во рамките од Супер-купот на Европа. На крајот на мечот се радуваа „црвените ѓаволи“, кои беа поумешни во пенал-рулетот од избраниците на Зинедин Зидан.
Јунајтед го доби првото полувреме со 1-0 со голот на Лингард, кој немаше тешка задача да ја смести топката во мрежата по извонредниот продор и асистенција на Марсијал. Се очекуваше тимот на Мурињо да издоминира и во вториот дел, откако во игра влегоа Лукаку, Погба и уште неколку „ѕвезди“ на англискиот гигант, наспроти седум члена на младинската школа на Реал кои влегоа за „кралскиот клуб“. Сепак, младите асови на Реал изненадија со добра игра и „кралевите“ израмнија со погодокот од пенал на Кашемиро во 69. минута.
Во пенал-рулетот сепак пресуди неискуството на младите играчи на Реал, па „кралевите“ од петте удари погодија само еднаш, а на победата се радуваа „ѓаволите“ од Манчестер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
