Ужасна трагедија се случи синоќа на стадионот „Монументал“ во Чиле пред натпреварот меѓу Коло Коло и Форталеза од второто коло во Копа Либертадорес. Неофицијално, две лица загинале во стампедо а жртвите се 18-годишна девојка и 13-годишно момче.
Група навивачи се обиделе да се пробијат до секторот „Кауполикан“, ја срушиле оградата и во тој момент настанало стампедо. Полицијата се обиде да ги растера навивачите, а ситуацијата ескалирала до крајност кога полициско возило употреби воден топ за да ја разбие публиката. Потоа настана хаос и уривање на заштитната ограда, под која две лица останале заробени.
Порталот „Депортиво“ дури наведува дека полициски транспортер прегазил 13-годишно момче и 18-годишна девојка бидејќи не ги виделе.
Додека натпреварот беше во тек, вестите за загинатите се проширија низ стадионот, а во 72. минута некои навивачи упаднаа на теренот и предизвикаа прекин на натпреварот при резултат 0-0.
El momento exacto en que los hinchas de Colo-Colo invadieron el estadio y los jugadores de Fortaleza debieron ingresar al vestuario del estadio Monumental de Chile
➜ El jugador del Cacique, Emiliano Amor, fue el primero en ir a resguardar a los futbolistas brasileños
pic.twitter.com/z8WvclSjgc
— Out of Context Libertadores (@OC_Libertadores) April 11, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
