Шпанскиот ракометен прволигаш Ваљадолид денеска официјално го промовираше новото македонско засилување – Мартин Карапалевски кој од следната сезона ќе ја зголеми македонската колонија во АСОБАЛ лигата.
Карапалевски кој игра на позиција среден бек во Ваљадолид се сели од Вардар на препорака на поранешниот тренер на „црвено-црните“, а сегашен предводник на шпанскиот клуб, Давид Писонеро кој не го криеше задоволството од ангажманот.
„Мартин е македонски среден бек кој го знам од Светското првенство за кадети што се играше во Скопје. Јас сум тој што го внесе во првиот тим на Вардар. Тој е млад играч со голем потенцијал, со искуство од Лигата на шампионите, Лигата на Европа, СЕХА лигата и македонското првенство, со неколку добри сезони зад себе. Карапалевски не е висок, но е интелигентен играч, кој е добар во играта „еден на еден“, како и во играта со пивот. Се надевам дека ќе расте во Ваљадолид“, изјави Писонеро.
🤾♂️El Recoletas sigue dando pasos en la confección de la plantilla para la próxima campaña y ficha al central Martin Karapalevski para las 2 siguientes temporadas.
🇲🇰El jugador de Macedonia del Norte, se unirá al Recoletas procedente del @HCVardar https://t.co/CQG9Q0L8FW
— Recoletas Atlético Valladolid (@atlvalladolid) April 22, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
