Шпанскиот прволигаш Валенсија, кој има одлична сезона во Ла Лига, сака да го засили својот тим во јануари за да ја продолжи трката за шампионската титула со Барселона и со Реал Мадрид. Тренерот Марселино посакува да го засили навалниот ред со најмалку уште еден квалитетен фудбалер. Решението го гледа во шпанскиот интернационалец Сандро, кој е член на англискиот премиерлигаш Евертон.
Поранешниот напаѓач на Барселона и на Малага замина на Островот и потпиша договор до 2021 година со Евертон, но таму не успеа да се докаже. Валенсија посакува да го врати во Ла Лига како позајмен фудбалер, со опција и за понатамошно откупување на неговиот договор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
