Валентин Кочоски одново ќе го носи дресот на Струга ТЛ во новата сезона. Играчот од средниот ред повторно се враќа во тимот после две години, откако настапуваше во Воска Спорт и во Силекс. Ова ќе биде третпат Кочоски да потпишува за стружани.
Кочоски, кој одигра приближно 200 натпревари во Првата лига, одигра цели 80 натпревари за Струга Трим Лум, вклучувајќи 4 натпревари во европските натпреварувања.
28-годишникот потпиша двегодишен договор во присуство на спортскиот директор Бесарт Исаку, кој му посака ново добродојде на играчот.
Тој веднаш беше регистриран и ќе има право за настап веќе денеска на стартот од новата сезона во кој Струга ТЛ го пречекува тимот на Македонија ЃП во првото коло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
