Тренерот на Барселона, Ернесто Валверде, го стави под заштита Осман Дембеле, кој стана проблематичен откако неколкупати задоцни на тренинзите на тимот. Тој постигна решавачки голови за Барса, но постојано е проблематичен кога е дисциплината во прашање.
„Знаев дека ќе ме прашате за Дембеле. Точно е, се случија некои работи, но тоа е внатрешен клупски проблем. Ова е нова ситуација и ние сакаме да му помогнеме на фудбалерот, затоа што има неверојатен талент. Сакаме да го извлечеме максимумот од него. Сепак, сите во клубот мораме да ги почитуваме правилата и истите важат и за Дембеле. Кога ќе победиш со 4-0 во градското дерби, очекуваш мирна седмица, но, ќе го решиме и ова без никакви турбуленции. И јас како фудбалер сум доцнел на тренинзи“, изјави Ернесто Валверде.
Барселона вечерва на „Камп Ноу“ го пречекува Тотенхем во последното коло од групата Б во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
