Англиските медиуми се поинтензивно пренесуваат дека Пол Погба е апсолутно незадоволен од ситуацијата на „Олд трафорд“, нема добар однос со Жозе Мурињо, па дефинитивно сака да си замине од Манчестер јунајтед.
Се погласни се шпекулациите дека Погба би можел ова лето да го напушти Јунајтед, и да се пресели во редовите на Барселона. Наводно, Каталонците веќе подготвиле понуда за Погба, покрај финансиска и со еден испратен фудбалер во обратен правец.
За целиот тој случај се огласи и тренерот на Барселона, Ернесто Валверде кој не сакаше да ги демантира шпекулациите за евентуалното доаѓање на Погба…
„Не сакам да зборува за фудбалери кои не играат за Барселона. Затоа немам што да коментирам за Погба се додека евентуално тој некогаш не стане наш играч. Сакам, исто така, и останатите екипи да ги почитуваат нашите фудбалери како што ние тоа го правиме“ – вели Валверде.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
