На само 17 свои години, Ламине Јамал е веќе првото име во Барселона, издвојувајќи се како еден од кандидатите за Златната топка.
Сите се повеќе или помалку импресионирани од Јамал, вклучувајќи го и легендарниот Марко ван Бастен, но поранешниот холандски репрезентативец сепак забележа еден „проблем“.
„Всушност е штета што игра десно крило. Бидејќи не ја добива топката доволно. Ако игра поцентрално, има многу поголемо влијание врз играта“ – рече Ван Бастен, кој се надева дека Ханси Флик ќе се обиде да го користи младиот човек повеќе во средината на теренот.
„Секако дека е постојана закана за противниците и од десната страна. Но, мислам дека ако игра повеќе кон средината на теренот, може да значи уште повеќе за тимот“.
„И мислам дека тоа е следниот чекор. Може да постигнува голови, да центрира, да носи луѓе пред голот. Тоа веќе го знаеме. Следниот чекор треба да биде: Какво е неговото влијание врз тимот на крајот?“ – повторува Ван Бастен и истакнува дека едноставно мора да ја има топката во своите нозе повеќе како што правеше Лионел Меси порано и да биде уште поважен за Барселона.
Јамал играше во финалето на Лигата на нации со Шпанија, но Португалија беше подобра на пенали, а младиот играч на Барса не се истакна премногу на тој натпревар. По натпреварот, Роналдо го пофали Јамал, без оглед на фактот дека е легенда на Реал, а Јамал во моментов е првото име на Барселона.
„Тој ќе освои многу титули. Тој е феномен. Ќе има многу долга кариера и сигурно ќе ја освои Лигата на нации многу пати“ – рече Роналдо.
Но, на Роналдо не му се допаѓа она што го направи Јамал по натпреварот, кога одби да даде аплауз за новиот победник на Лигата на нации, за разлика од неговите соиграчи. Се чини дека на 17 години веќе почнал да „лета во облаци“ и ќе мора да научи да губи бидејќи тоа е составен дел од играта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
