Младиот холандски тренер Марк ван Бомел би можел да ја заврши едногодишната пауза ова лето и да го преземе тимот на Парма, на местото на Кристијан Киву кој замина да го води Интер.
Поранешниот холандски репрезентативец е надвор од терените од крајот на мај минатата година, кога го напушти белгискиот клуб Антверпен, а претходно ги водеше Волфсбург и ПСВ Ајндховен.
Ван Бомел беше во комбинација за Парма и во јануари, но тогаш челниците на италијанскиот тим се решија за Киву, кој по само кратко време се одлучи да го преземе Интер од Симоне Инзаги, кој замина во Саудиска Арабија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
