Холандскиот менаџер Руд ван Нистелрој покажа цврста рака како менаџер на Лестер, откако го отстрани Хари Винкс од тренинзите на првиот тим по жестоката кавга меѓу нив. Според Телеграф, несогласувањето настанало поради неподготвеноста на англискиот играч за врска да ги промени навиките за патување со тренинзи, што доведе до негово отсуство во поразот од Манчестер Сити со 2-0 во средата.
Холандскиот тренер не се согласува со фактот дека Винкс живее на 160 километри од тренинг базата на „лисиците“ и секојдневно патува. Од оваа причина Ван Нистелрој му понудил на играчот да преноќи барем еднаш неделно во хотел во близина на базата, но фудбалерот одбил, оправдувајќи ја својата одлука со лични причини, поточно неодамнешното раѓање на неговиот син. Спорот меѓу двајцата ескалирал, што резултирало со отстранување на Винкс од првиот тим.
Фудбалерот од средниот ред веќе беше вмешан во уште еден скандал на почетокот на сезоната кога присуствуваше на забава во Копенхаген со други играчи на Лестер, прикажувајќи натпис на кој пишува „Ни недостигаш Енцо Мареска“, кој сега е менаџер на Челси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
