Машката фудбалска репрезентација на Северна Кореја можеби има лоша репутација кога станува збор за овој спорт, но тоа не е случај со жените.
Женската фудбалска репрезентација на оваа земја е една од најдобро рангираните екипи во светскиот фудбал. Три пати го освоија Азискиот куп, а стигнаа до четвртфиналето на Светското првенство во 2007 година.
На Азискиот куп во Австралија, го победија Узбекистан со 3-0 во својот прв натпревар пред убедливата победа од 5-0 против Бангладеш.
Третиот натпревар во групата беше против Кина, која е уште една азиска сила во женскиот фудбал.
Во четвртата минута од судиското продолжение во првото полувреме, Кина постигна гол, поради кој настана целосен хаос. Жанг Ченгсјуе изведе слободен удар, а Ванг Шуанг постигна гол, но помошникот судија го крена знамето за недозволена позиција.
ВАР ја провери ситуацијата и на крајот го призна голот постигнат од Кина.
Севернокорејките беа бесни на одлуката и отидоа кај четвртиот судија да протестираат. Сè траеше околу три минути, а потоа судијата свиреше крај на првото полувреме.
После тоа, севернокорејските фудбалерки наводно одбија да се вратат на теренот во второто полувреме.
На крајот, тие се појавија на теренот, а натпреварот заврши со победа на Кина.
ВАР- системот, исто така, одигра улога 10 минути пред крајот на натпреварот, бидејќи Чое Ил-сон мислеше дека го постигнала израмнувачкиот гол, но голот беше поништен.
Па, по овој пораз, Северна Кореја, ќе игра против Австралија во четвртфиналето на Купот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
