Кога Вардар гостува под „Тумбе кафе“ за тоа се зборувало денови однапред, се подготвувала „фешта“, Чкембарите ги чекале Комити во заседа. Сега е поинаку, трибините се празни, двата клуба не се со раскошен фудбалски потенцијал, но дербито меѓу Пелистер и Вардар секогаш буди посебни емоции.
Борче Маневски знае како е да се биде фудбалер и на Пелистер и на Вардар, битолчанецот сега повторно е во домашното јато и се надева на триумф на „зелените“.
„Мечевите меѓу Пелистер и Вардар секогаш се посебни. Така ќе биде и овојпат иако многу ќе недостига публиката. Но, ситуацијата е таква, сите треба да се фокусираме на играта и се надеваме на позитивен исход“, истакнува Маневски.
Вардар не е моќен како изминатите сезони, но сака да извлече поволен резултат во Битола. Избраниците на Александар Васоски се подготвени за надигрување.
Вардар во моментот се наоѓа на осмата позиција, Пелистер е деветти, но моментниот пласман никогаш не значи многу кога е во прашање дерби – пресметката на македонскиот фудбал.
ПРВА ЛИГА, 8.КОЛО
БИТОЛА: ПЕЛИСТЕР – ВАРДАР ( денеска, 15 часот)
ШКЕНДИЈА – СИЛЕКС 1-1
МАКЕДОНИЈА ЃП – СТРУГА ТРИМ ЛУМ 2-0
РАБОТНИЧКИ – АКАДЕМИЈА ПАНДЕВ 0-0
БЕЛАСИЦА – РЕНОВА 1-1
ШКУПИ – БОРЕЦ 3-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
