Градската дерби пресметка меѓу Вардар и Работнички дефинитивно е најинтересниот дуел од 15. коло во Првата македонска фудбалска лига кое се игра денеска од 13 часот.
„Вардарци“, по одличниот старт на сезоната, објективно притиснати и поради финансиската криза во клубот западнаа и во резултатска која од минатото коло ги донесе и до негатива од три бода во однос на првопласираната Шкендија. Само пет скромни бода запишаа „црвено-црните“ изминатива пет кола во шампионатот, што дефинитивно ги носи во ситуација раните да мора да ги „лечат“ против „романтичарите“.
Но, Работнички со игрите „топло-ладно“ исто така посакува позитивен резултат токму против Вардар со што значително и од психолошки аспект дополнително би се подигнала екипата на Жикица Тасевски….
„Вардар е најголемиот бренд во македонскиот фудбал, клубот секогаш заслужува максимален респект, но исто така секогаш е и голема мотивација за противниците. Не се сомневам дека нашите фудбалери ќе имаат огромен мотив за игра. Ќе биде тежок дуел, со оглед и на временските услови, но подготвени сме за предизвикот и одиме да освоиме бодови“ – вели шефот на стручниот штаб на Работнички, Жикица Тасевски.
ДВОЈКИ – 15. КОЛО (денеска, 13 ч.)
Тетово: ШКЕНДИЈА – СИЛЕКС
Скопје: ВАРДАР – РАБОТНИЧКИ
Струмица: БЕЛАСИЦА – РЕНОВА
Скопје: МАКЕДОНИЈА ЃП – ШКУПИ
Турново: АК. ПАНДЕВ – ПОБЕДА
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
