Вардар продолжува со очајните резултати во сезоната во која беше најавувана и битка за европски излез, па по поразот денеска од 0-1 од АП Брера на арената „Тодор Проески“ во Скопје во 12. коло од Првата македонска фудбалска лига, веќе го зграпчи и „фенерот“ на првенствената табела.
На дербито во Кратово, Силекс и Работнички одиграа без победник (1-1), а Воска спорт го шокираше Шкупи победувајќи со 3-1. Струга ТЛ славеше со 0-1 на гостувањето против Тиквеш во Кавадарци, а Гостивар не успеа да дојде до триумф против Пелистер на дуелот на „Борис Трајковски“ во Маџари.
АП Брера до победата над Вардар во Скопје дојде со голот на Ивковиќ уште во 19. минута од средбата…
Работнички, пак, имаше предност од 0-1 на гостувањето против Силекс во Кратово. Регба во 19. минута стрелаше за водство на „романтичарите“.
Работнички имаше и играч повеќе на теренот по исклучувањето на Николиќ во 56. минута од натпреварот.
Но, тоа не ги спречи домашните со голот на Алиќ во 75. минута да дојдат до израмнување, за конечни 1-1.
Шкендија славеше со 2-1 против Беса на дуелот во Тетово со три гола постигнати во првото полувреме. Рамадани, по асистенцијата на Бесарт Ибраими, погоди во 14. минута, a веќе во 23. минута и самиот Бесарт Ибраими погоди за 2-0. Велија во 32. минута намали за гостите на 2-1.
Воска спорт го шокираше Шкупи на дуелот во Охрид победувајќи со 3-1. Домашните имаат водство од 1-0 со голот на Јахја во 32. минута од натпреварот.
Шкупи израмни со голот на Тамба во 56. минута, за да потоа Јахја со својот втор гол во 79. минута повторно донесе предност од 2-1 за охриѓани.
Конечните 3-1 ги постави Вуковиќ од пенал во втората минута од судиското продолжение.
Струга ТЛ славеше на гостувањето против Тиквеш во Кавадарци со 0-1 со голот на Илиевски во 88. минута.
Претходно кавадарчани во 71. минута не реализираа удар од белата точка.
ПРВА ЛИГА – 12. КОЛО
Скопје: ГОСТИВАР – ПЕЛИСТЕР 0-0
Тетово: ШКЕНДИЈА – БЕСА 2-1
Рамадани 14′, Ибраими 23′ – Велија 32′
Кавадарци: ТИКВЕШ – СТРУГА ТЛ 0-1
Илиевски 88′
Скопје: ВАРДАР – АП БРЕРА 0-1
Ивковиќ 19′
Кратово: СИЛЕКС – РАБОТНИЧКИ 1-1
Алиќ 75′ – Регба 19′
Охрид: ВОСКА СПОРТ – ШКУПИ 3-1
Јахја 32′, 79′, Вуковиќ 90’+2 (п) – Тамба 56′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
