Вардар го загуби клучниот натпревар есенва не успевајќи да победи против Воска Спорт играат во дербито на дното од 14. коло во Првата македонска фудбалска лига. „Вардарци“ загубија со 1-2 во директната пресметката со еден од тимовите во битката за опстанок, значително отежнувајќи си ја битката за останување во елитното друштво.
А, тешка битка за опстанок ја очекува и Брегалница по поразот од 1-0 на гостувањето против Гостивар. АП Брера, пак, дојде до голем трумф од 2-1 против шампионот Струга ТЛ.
На стадионот „Борис Трајковски“ во Маџари гостите рано дојдоа до предност од 0-1 со голот на Јашаровски уште во 4. минута од натпреварот. Но, „вардарци“ брзо израмнија преку Папули во 14. минута.
Во второто полувреме, Воска Спорт победата од 1-2 ја обезбеди со вториот гол на Јашароски во 75. минута од средбата.
На дуелот кој се одигра во Голема Речица, Гостивар ја победи Брегалница со 1-0. Домашните до триумфот дојдоа во 13. минута со евро-голот на Атиемвен. Офанзивецот на Гостивар извонредно прими една топка на 25 метри и испрати вистинска „бомба“ под гредата од голот на Давков за водство од 1-0.
И АП Брера дојде до голема победа во Струмица славејќи со 2-1 против шампионот Струга ТЛ.
Струмичани до водство дојдоа уште во 8. минута со голот на Рибаудо.
Во првата минута од судиското продолжение, Брера зголеми и на 2-0 со голот на Јанкулов.
Во второто полувреме, Струга ТЛ успеа само да го ублажи поразот со голот на Незири во 71. минута.
Натпреварот во Тетово меѓу Шкендија и Тиквеш се уште се игра затоа што, кавадарчани доцнеа на дуелот поради дефект на нивниот автобус.
Шкендија веќе има водство по 75 минути игра од 1-0 со голот на Бруно Дита во 15. минута од натпреварот.
ПРВА ЛИГА – 14. КОЛО
Скопје: ВАРДАР – ВОСКА СПОРТ 1-2
Папули 14′ – Јашароски 4′, 75′
Речица: ГОСТИВАР – БРЕГАЛНИЦА 1-0
Атиемвен 13′
Струмица: АП БРЕРА – СТРУГА ТЛ 2-1
Рибаудо 8′, Јанкулов 45’+1 – Незири 71′
Тетово: ШКЕНДИЈА – ТИКВЕШ 1-0
Дита 15′
УТРЕ (13 ч.)
Кратово: СИЛЕКС – ШКУПИ
Скопје: РАБОТНИЧКИ – МАКЕДОНИЈА ЃП
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
