Од следната сезона нов член на Вардар ќе биде полскиот репрезентативен пивотмен Виктор Јнаковски (23 години) кој се согласи на тригодишна верност со македонскиот клуб. Јанковски е висок 200 центиметри и ќе биде важна алка во тимот, во одбрана и во напад.
Покрај играњето во екипата на Квиџин каде сега настапува, Јанковски бил член и на Висла каде беше дел од составот што беше пријавен за настап во ЕХФ лигата на шампионите во сезоната 2019/2020, а има настап и во квалификациите за Лига Европа во 2022/2023.
Неколку години тој е дел од сениорската репрезентација на Полска и се наоѓа на поширокиот список. Претходно беше на располагање на полскиот селектор и за квалификациите за ЕП и СП. Ги има минато и младинските репрезентации на Полска каде беше стандарден член.
Сезонава Јанковски има постигнато 63 гола, 15 асистенции и процент на реализација од 76 отсто на упатените удари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
