Вардар со негатива против Гостивар, Шкупи води на дербито во Чаир против Шкендија (ВИДЕО)

Шкупи води со 1-0против Шкендија на полувремето од дербито на 5. коло од Првата македонска фудбалска лига.

Вардар, пак, успеа да го задржи Гостивар само 20 минути на дуелот во Маџари, па има негатива од 1-0 по првите 45 минути, а предност уште има Работнички во пресметката против Тиквеш.

На дербито во Чаир, Шкупи до предноста дојде со голот на Јумеми Канда во 45. минута…

На стадионот „Борис Трајковски“ во Маџари, гостиварци до водство против Вардар дојдоа во 20. минута од средбата со погодокот на Алдаир.

Шампионот Струга ТЛ имаше предност од 0-1 во Битола на стадионот „Петар Милошевски“ против Пелистер со 0-1 уште од 16. минута на натпреварот, но домашните израмнија пред паузата.

По нафрлањето од левата страна, Кехинде мајсторски со глава постигна погодок за предност на својата екипа.

Но, Пелистер израмни во 45. минута со автоголот на Сава Радиќ по нафрлањето од слободен удар од десната страна пред голот на Струга ТЛ.

Работнички продолжува со одличните игри на стартот од сезоната. „Романтичарите“ водат против Тиквеш на националната арена „Тодор Проески“ уште во раната фаза од натпреварот со голот на капитенот Белица во 24. минута.

Мајсторски изведен акција од слободен удар на домашните во три потези. Мазари го изведе слободниот удар, Аломеровиќ одлично асистираше а капитенот Белица од непосредна близина погоди за водство за 1-0…

ПРВА ЛИГА – 5. КОЛО (прво полувреме)
Скопје: РАБОТНИЧКИ – ТИКВЕШ 1-0
Белица 24′
Струмица: АП БРЕРА – БЕСА 0-0
Скопје: ГОСТИВАР – ВАРДАР 1-0
Алдаир 20′
Скопје: ШКУПИ – ШКЕНДИЈА 1-0
Канда 45′
Битола: ПЕЛИСТЕР – СТРУГА ТЛ 1-1
Радиќ 45′(аг) – Кехинде 16′
Охрид: ВОСКА СПОРТ – СИЛЕКС 0-0