Фудбалерите на Вардар утринава полетаа за Данска, каде утре со почеток во 20 часот во Копенхаген ќе го одиграат реваншот од третото квалификациско коло за Лигата на шампионите.
Предвидено е „црвено-црните“ попладнево да пристигнат во Данска, а вечерва да го имаат и официјалниот тренинг на стадионот „Телиа Паркен“, воедно и да одржат прес-конференција на која пред данските новинари ќе ги искажат своите очекувања за утрешниот реванш.
Желбата е јасна, да се одбранат оние 1-0 од Скопје и со игра слична на онаа во Малме пред дваесетина дена да се испише уште една страница во клупската историја. Противникот е далеку од посакуваната форма, Вардар игра се подобро, така што во Данска лесно може да се повтори „шведската приказна“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
