Фудбалерите на Нигерија и Тунис обезбедија место во осминафиналето на Африканскиот куп на нации.
Нигерија го направи тоа доминантно преку групата Ц, со максимални три победи и гол-разлика од 8-4.
Во третото коло, Нигеријците ја победија Уганда со 3-1 во чии редови настапи најдобриот вардаров фудбалер Роџерс Мато, кој беше стрелец и на единствениот гол за својата селекција.
Мато погоди во 75. минута за конечни 3-1 на натпреварот, колку да го ублажи поразот на Уганда која со едно реми и два порази ги заврши своите настапи на Африканскиот куп на нации како последна во групата.
🤌🏽`• construction on Rogers Mato’s consolation goal — that was fckin’ obscene of Allan Okello, for an assist!#UGANGA | #TotalEnergiesAFCON2025 pic.twitter.com/m3CKzlRkeA
— Stephen ‡ Magyezi (@gyezi_) December 30, 2025
Тунис, кој „само“ ремизираше 1-1 против Танзанија, исто така ќе помине од групата Ц, која ќе го чека исходот во другите групи и конечниот пласман на третопласираните селекции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
