Раководството на ФК Вардар донесе одлука да додели премија од 100.000 евра за фудбалерите и стручниот штаб доколку „црвено-црните“ го поминат второто квалификациско коло во Лигата на конференциите на УЕФА, против швајцарскиот претставник Лозана.
„Финансискиот стимул треба да биде дополнителен мотив за екипата, која подели 50.000 евра за успешно поминатото прво квалификациско коло“ – информираат од ФК Вардар.
Швајцарскиот претставник, минатата сезона беше, како и Вардар, петтопласиран во домашното првенство. Првиот натпревар од двомечот во 2. квалификациско коло од Конференциската лига на УЕФА се игра на 24. јули во Скопје, додека реваншот е закажан за 31. јули во Лозана.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
