Тренерот на Силекс, Александар Васоски ги истакна очекувањата за новата сезона. Силекс го отвора првенството со гостување против Работнички.
Васоски изразува надеж дека уште утре екипата ќе покаже ново лице, и дека ќе отори со победа.
„Мислам дека подготовките поминаа во најдобар ред, одигравме седум контролни натпревари од кои победивме на пет, а два одигравме нерешено. Новите играчи се повеќе и повеќе се наметнуваат, така да сега навистина имаме жестока конкуренција што се однесува до место во првиот тим. Сега на нас останува сето тоа од припремите да го преточиме во првенствените натпревари, таму каде што е најбитно и таму каде што се брои. Така да, се надевам дека веќе од утре со ФК Работнички, екипата на ФК Силекс ќе има едно ново лице за разлика од минатата сезона, каде што ќе настојува секој натпревар да го добие.“, изјави Васоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
