Најмалата земја во светот, Ватикан, која официјално има 840 жители, сака полноправно членство во ФИФА и УЕФА.
По сличен пат претходно тргнаа и некои други репрезентации, Маршалските Острови, Француска Гвајана и Гренланд, а не е невозможно една од нив наскоро да стане членка на светската фудбалска организација.
Ватикан има фудбалски тим, а неодамна дури одиграа и пријателски натпревар против германскиот нисколигаш КСВ Јихалистал. Таа земја има дури и женска репрезентација, што е еден од важните аспекти за прием во УЕФА.
Дури и Здружението на фудбалери во Ватикан прослави 50-годишнина, а се планира формирање на Фудбалскиот сојуз на Ватикан, според принципите и правилата по кои функционираат другите фудбалски сојузи во Европа.
Италијанските медиуми пишуваат и дека папата Франциско во неформален разговор со претседателот на УЕФА Александар Чеферин ја споменал можноста фудбалскиот тим на Ватикан да се приклучи на семејството на УЕФА.
Планот е за оваа селекција да настапат некои фудбалери од италијанската Серија Ц и Д по примерот на моментално најслабата европска селекција на ранг листата на УЕФА, Сан Марино.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
