Ракометарите на Тиквеш запишаа повеќе од значајна победа од 25-23 против Охрид во битката за одржување на ритамот за место во плеј-офот сезонава во Суперлигата на Македонија.
Низ израмнето прво полувремето се до 25. минута од средбата, кавадарчани на дуелот на домашен терен првата посериозна предност ја стекнаа во последните пет минути од првото полувреме. Се до 24. минута беше 10-10, а потоа Тиквеш со серија од 3-0 на полувремето замина со 13-10.
Во второто полувреме продолжи резултатската неизвесност. Иако Тиквеш поведе и со 15-11 низ првите минути од вториот дел, гостите постојано се враќаа во игра за да сепак победата се осигура во последните минути од натпреварот.
Најефикасен во победничкиот тим беше Страхиња Симиќ со седум гола, а пет постигна Дарко Кондев. Со четири погодоци мечот го завршија Темелкоски и Стефановиќ. Кај охриѓани се издвои Мице Шилегов со осум гола, а Андоновски заврши со четири погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
