ЕКИПА во Виена,
Стеван Цаневски
Австријците имаат „два од два“, играат на домашен терен, ќе ја имаат поддршката од публиката и максимално мотивирани влегуваат во денешната пресметка со Македонија. Сакаат да ја искористат и еуфоријата за ракомет која не се создава така често во Виена.
„Прекрасно е кога ја имате поддршката од публиката. Тоа буквално ве носи напред и кога е тешко. Верувам дека оваа наша „еврофорија“ ќе ја проголта и Македонија. Ја сакаме и третата победа, сакаме да бидеме победници во групата. Нема да биде лесно, Македонците се тежок ривал, но ние сме подготвени и ќе сториме се за повторно да се радуваме. Имаме ритам, треба само да го одржиме и да гледаме напред“, изјави Роберт Вебер, десното крило на австриската репрезентација.
Тој знае од каде доаѓа најголемата опасност кон голот на Австрија.
„Кире Лазаров е ракометна легенда, игра одлично и на овој шампионат иако е веќе во зрели години. Но, мислам дека ќе најдеме начин да го блокираме“, дополни австрискиот репрезентативец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
