Вечните ривали Работнички и МЗТ Скопје ќе треба да платат вкупно 30.000 денари за однесувањето на нивните навивачи на последното дерби што се одигра во СРЦ Кале.
Иако мечот мина без посериозни инциденти, во делегатскиот записник влегоа неспортското навивање, како и фрлениот факел од страна на навивачите на Работнички.
Двата тима се казнети со по 8.000 денари за неспортското скандирање на нивните навивачки групи, а „центарци“ ќе платат и дополнителни 14.000 денари (десет илјади за фрлениот факел и четири илјади за фрлање на меки предмети на терен.
МЗТ Скопје пак доби опомена поради тоа што на опремата на „металците“ за ова дерби не стоело логото на КФСМ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
