По бројните приказни, драми и шпекулации, Жозе Мурињо доби отказ во Манчестер јунајтед а неговата замена Оле Гунар Солксјер на најдобар можен начин дебитираше на клупата.
Очигледно е дека фудбалерите се многу посреќни со новиот менаџер. А, колку било лошо во клубот открива и поранешната ѕвезда на „црвените ѓаволи“, Вејн Руни…
„Не беше лоша атмосферата само кај фудбалерите, туку во целиот клуб. Сигурен сум дека сега и Ед Вудворд се чувствува посреќен, и сите тренери, и тетките во кујната, готвачките и луѓето кои работат во логистика на тимот. Солскјер е вистинската личност и сите се среќни со него. А не е ни чудо што се среќни… Па, за Солскјер се залагаше големиот Сер Алекс Фергусон“ – ги коментира Руни промените во Манчестер јунајтед.
Потпретседателот Ед Вудворд, по отказот за Мурињо се обратил до Фергусон, кој ги договорил Солскјер и помошниот тренер Мајк Фелан, тврди „Сан“. Очигледно, Ферги го спасува клубот и кога не е на клупа!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
