Француската НБА суперѕвезда и член на Сан Антонио Виктор Вембањама, се врати во полна форма со 40 поени и 15 скока на отворањето на сезоната во НБА. Французинот ја пропушти репрезентативната обврска за подобро да се подготви за новата сезона откако крајот на минатата година го помина борејќи се со згрутчување на крвта.
Првиот избор во 2023 година му покажа на првиот избор оваа година, Купер Флег, во рангирањето на Далас што е потребно за да се стане вистинска суперѕвезда. Апсолутна доминација на францускиот ас во дербито на Тексас со 40 поени, 15 скока и без изгубена топка.
Динамичното дерби на Флорида му припадна на тимот на Орландо, кој славеше над Мајами со 125-121 во првиот натпревар од НБА сезоната за двете екипи.
Мечот беше решен во последниот период, кога Орландо направи серија со 11-2, и така „избега“ на 115-113. Потоа во последната минута Меџик поведоа и со 123-119, резултат кој Мајами не можеше да го стигне, и барем да обезбеди продолжение.
Младите надежни играчи на „Меџик“ од сегашноста и иднината, Франц Вагнер и Паоло Банкеро, постигнаа по 24 поени, а Банкеро имаше и 11 скока. Новајлијата Дезмонд Бејн имаше одлично деби со 23 поени, а германскиот репрезентативец Тристан да Силва постигна 16 поени.
Новајлијата на Мајами, Норман Пауел, постигна 28 поени во својот прв натпревар за Хит. Ендру Вигинс и Девион Мичел постигнаа по 16 поени, а Мичел додаде и 12 асистенции.
Тимот на ЛА Клиперс доживеа убедлив пораз од Јута со 129-108 на отворањето на новата сезона. „Џезерите“ доминираа во текот на целиот меч, а првата четвртина ја завршија со предност од дури 24 поени, постигнувајќи 43 коша, додека на полувремето имаа +31, разлика која Клиперси не можеа да ја стигнат.
Најдобар играч на натпреварот беше центарот на Јута, Вокер Кеслер, со 22 поени и девет скока, додека Лаури Марканен и Брајс Сенсабо имаа по 20 поени.
НБА, РЕЗУЛТАТИ:
Шарлот – Бруклин 136:117
Њујорк – Кливленд 119:111
Орландо – Мајами 125:121
Атланта – Торонто 118:138
Бостон – Филаделфија 116:117
Чикаго – Детроит 1115:111
Мемфис – Њу Орлеанс 128:122
Милвоки – Вашингтон 133:120
Јута – ЛА Клиперс 129:108
Далас – Сан Антонио 92:125
Финикс – Сакраметно 120:116
Портланд – Минесота 114:118
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
