Англискиот премиерлигаш Арсенал го пријави македонскиот репрезентативен голман Дени Илиев во составот со кој ќе се натпреварува во Премиер – лигата оваа сезона. Менаџерот Арсен Венгер одлучи да го вклучи Илиев на списокот на својот тим, а го изостави Санти Казорла, кој долг период се мачи со повреда и нема да се опорави најмалку до јануари.
Во составот на „топчиите“ се вклучени и Алексис Санчез и Месут Озил, главните ѕвезди за кои низ текот на летниот преоден рок се шпекулираше дека ќе го напуштат „Емирати“. Сепак, иако и двајцата влегуваат во последната година од договорите со клубот, Арсенал реши да ги задржи и да не ги продава.
Дени Илиев во моментот заедно со репрезентацијата на Македонија се наоѓа во Хаифа, во пресрет на утрешниот квалификациски натпревар против Израел во циклусот за СП 2018 во Русија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
