Одлични вести пристигнуваат од УС опен, а истите велат дека легендарната американска тенисерка Венус Вилијамс, седумкратната освојувачка на гренд-слам титули доби специјална вајлд-карта за да игра на овој турнир, кој стартува на 30 август во Њујорк.
Венус е двократна шампионка на УС опен од 2000 и 2001 година, а сега на 41 година повторно ќе настапи откако ја доби вајлд-картата, зашто со пласманот на ВТА-листата не можеше да влезе по нормален пат, од причина што моментално се наоѓа на 112-та позиција.
Од 2007 година наваму, Вилијамс немаоткажано настап на УС опен, а само во 2006 го прескокна поради повреда на скочниот зглоб, па за неа ова ќе биде 23-то учество на последниот гренд-слам турнир во годината. Последен пат кога Венус дојде во самата завршница беше полуфиналето во 2017 година.
She’s baaaaaack!
2x champion @Venuseswilliams is awarded a wild card to play her 23rd US Open. pic.twitter.com/n7Suh76WnQ
— US Open Tennis (@usopen) August 18, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
