Тимот на Верона објави дека се раздели со тренерот Игор Тудор. Хрватскиот тренер седна на клупата на 14. септември, на местото на Еузебио Ди Франческо и успеа да го обезбеди опстанок во Серија „А“, што беше примарна цел. Верона на крајот заврши на високото девето место, и кога се чинеше дека Хрватот ќе продолжи да работи, патиштата им се разделија.
Тудор претходно го водеше тимот на Удинезе и успеа да го опстане, а беше дел и од стручниот штаб на Јувентус заедно со Андреа Пирло.
„Одлуката беше тешка, бидејќи во Верона имав одлична средина и група на фантастични играчи кои ми овозможија да го покажам она што го знам, и благодарение на тоа постигнавме одлични резултати. На средбата со претседателот на клубот, заедничкиот став е дека ги нема сите услови за да продолжиме понатаму, и мислам дека вистинскиот пат е да се разделиме. Се приврзав за градот каде минав одлично. Благодарност и до фановите за нивната поддршка и им посакувам светла иднина и на нив и на клубот“, рече Тудор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
