По брилијантната победа во Јапонија, Макс Верстапен се соочи со студен туш во Бахреин. Трка која, според сите сметки, брзо ќе сакаат да ја заборават. Ништо не одеше според планот за четирикратниот светски шампион, кој по низата технички и стратешки проблеми мораше да се задоволи со шестото место.
По трката, Макс Верстапен отворено зборуваше за се што тргна наопаку на Големата награда на Бахреин. За разлика од триумфалното возење во Јапонија, овој викенд Ред Бул едноставно не беше ни блиску до врвот.
„Почетокот не беше добар, а потоа и темпото не беше добро на почетокот. Гумите се прегреваа, рамнотежата на болидот не беше онаму каде што сакав. Нешто не беше во ред со светлата. Тие останаа запалени. Теоретски можете да одите кога светлата остануваат вклучени, но тоа не е тимски протокол, па морав да почекам додека не сфатам дека нешто не е во ред“, искрено изјави Верстапен.
Времето истекуваше, а Верстапен беше фатен во толпата. Менувањето на гумите во тврда смеса не донесе подобри резултати – токму спротивното.
„Тврдите гуми едноставно не работеа. Имаа помал стисок и уште поголема деградација. Во моментов сме најлоши кога станува збор за управување со гумите. Балансот не е добар, и тоа се гледа на оваа патека“, изјави Верстапен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
