Ракометарите на македонскиот ракометен шампион Еурофарм Пелистер без проблеми ја поминаа првата пречка во Купот на Македонија откако денеска на домашен терен стигнаа до убедлива победа против Шампион од 57-16.
Домаќините уште од стартот тргнаа фуриозно па на противникот во првото полувреме му дозволија само три гола, а на пауза заминаа со убедливи 26-3. Во вториот дел разликата само се зголемуваше за конечние 57-16. Петар Атанасијевиќ го одбележа овој меч со 32 гола што е неверојатен податок. Кај поразените Стефан Огненовски постигна шест. Ова е нов рекорд во македонскиот машки ракомет, а претходниот рекорд го држеше Златко Димитровски кој во дресот на Тиквеш на еден натпревар постигна 31 гол.
Пласман понатаму обезбеди и Радовиш кој славеше против Преспа со 22-41.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
