Ракометарите на Веспрем на домашен терен ја запишаа првата победа во новата сезона од Лигата на шампионите, триумфирајќи во 2. коло против Нант со 30-25.
Предводник во триумфот на Веспрем беше Уго Дескат со 8 гола, а одличен кај победниците беше и Ремили со шест гола и Маргуч со пет погодоци од исто толку удари. Кај Нант најефикасен беше Леополд со пет погодоци.
Спортинг Лисабон, пак, ја запиша и втората победа на стартот од сезоната во ЛШ трумфирајќи против големиот фаворит Кијелце. „Лавовите“ славеа со 41-37, предводени од Мота Коста со девет гола, а во полскиот тим најефикасен беше Сицко со осум погодоци.
Европскиот вицешампион Фухсе Берлин, исто така, дојде до втора победа, овој пат над дански Алборг со 31-28. Победничкиот тим беше предводен од Гидсел со осум гола и Фрајхофер со седум погодоци, а кај Алборг се истакнаа Арнолдсен и Јенсен со по пет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
