Виган го приреди најпријатното изненадување на денешните дуели од 4. коло во ФА Купот на Англија, елиминирајќи го премиерлигашот Вест хем со победа од 2-0. Дејвид Мојес тактизираше со составот на „чеканите“ правејќи низа ротации, а домашниот тим знаеше како да го искористи тоа и да го земе скалпот на големиот фаворит. Григ беше стрелец на двата погодоци за Виган, а гостите од Лондон мечот го завршија со фудбалер помалку, откако Масуаку беше исклучен на стартот од второто полувреме за плукање на еден од домашните играчи.
Саутемптон славеше против Ватфорд со 1-0 во дуелот на двата премиерлигаши, со голот што го постигна Стивенс уште во 4. минута.
Брајтон со погодокот на Мареј во 90. минута триумфираше со 0-1 на гостувањето против Мидлсброу, додека Хадерсфилд одигра само 1-1 на домашен терен против Бирминген.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
