Вест Хем утрово и официјално го објави името на новиот тренер откако во текот на вчерашниот ден беше прекината соработката со Хулен Лопетеги. Очекувано, за наследник на шпанскиот стручњак именуван е поранешниот стратег на Брајтон и Челси, Грем Потер, кој потпиша договор на две и пол години со „чеканите“ од Лондон.
Вест Хем има само шест победи во Премиер-лигата сезонава и се наоѓа на 14. место на табелата седум бода над опасната зона, а Потер е свесен дека тимот што мора да почне што поскоро да победува.
„Пресреќен сум што сум овде, не сакав да брзам со изборот на нов клуб откако си заминав од Челси, но чувствувам дека ова е вистинската средина за мене. Од првиот момент разговорите беа максимално конструктивни и позитивни, ги делиме истите вредности со водечките луѓе во клубот, сакаме со напорна работа да се постават темели за уште поголеми успеси во иднина“, изјави Потер.
Тој ќе дебитира на клупата веќе утре, на мечот од ФА Купот на Англија против Астон Вила.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
