Расел Вестбрук ги надмина проблемите со повредата и се врати во тимот на Оклахома сити, но големата нема „ѕвезда“ не им беше од корист на „тандер“, откако неговата екипа претрпе пораз на гостувањето против Сакраменто од 117-113. Вестбрук забележа 29 поени, 13 скокови и седум асистенции, што сепак беше недоволно за триумф над максимално мотивираните кошаркари на Сакраменто, за кои ова беше втора победа сезонава над Оклахома. Бади Хилд беше најефикасен во победничкиот тим со 25 поени, а значајна улога во триумфот одигра и Богдан Богдановиќ, кој реализираше 16 поени, пет скокови и три асистенции.
Филаделфија ја забележа третата победа во низа откако славеше со 119-114 над Феникс. Во главна улога беше Ембид, кој реализираше дабл-дабл од 33 поени и 17 скокови, Џими Батлер постигна 19 поени за Филаделфија, која прераснува во еден од главните фаворити за највисок пласман во Источната конференција.
Резултати НБА:
Шарлот – Бостон 117-112, Детроит – Кливленд 113-102, Индијана – Јута 121-94, Филаделфија – Феникс 119-114, Атланта – ЛА клиперс 119-127, Мемфис – Далас 98-88, Милвоки – Денвер 104-98, Њу Орлеанс – Сан Антонио 140-126, Сакраменто – Оклахома сити 117-113.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
