Реномираниот „Гол“ се одлучи да подготви ранк листа од 15 стадиони со најжестока навивачка атмосфера во Европа. Од нив единствени стадиони од Балканот се легендарната „Маракана“ на Црвена Звезда која е на шестото место, и „Тумба“ на ПАОК од Солун кој е на 13. место.
Стадион со најдобра атмосфера во Европа е стадионот на Борусија Дортмунд – „Сигнал Идуна парк“ или легендарниот „Вестфален“ најмногу поради неговиот „Жолт ѕид“, трибина која прима 25.000 гледачи. Стадионот, инаку, на дуелите од Бундеслигата прима 81.000 навивач.
На второто место на листата е „Селтик Парк“ во Шкотска, а потоа следи „Неф стадионот“ на Галатасарај во Истанбул, како и единствениот англиски стадион на листата „Енфилд“ во Ливерпул. На петтото место е „Водафон парк“, стадионот на Бешикташ во Истанбул, а потоа на шестото место е белградска „Маракана“.
Потоа следат „Велодром“ во Марсеј, „Олимпико“ во Рим, „Рамон Санчез Пискуан“ во Севилја, а на 10. место е стадионот „Диего Марадона“ во Неапол.
Милански „Сан Сиро“ на кој вечерва се игра полуфиналето од Лигата на шампионите меѓу Милан и Интер е на 12. место, а после него се ушта „Тумба“, стадионот на ПАОК во Солун, „Метрополитано“ на Атлетико Мадрид и „Валдстадион“ на Ајнтрахт Франкфурт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА