Кога се појавија првите шпекулации дека Џулијан Вајгл би можел да ја напушти Борусија Дортмунд за да се пресели во Бенфика, еден португалски навивач на твитер-профилот на Германецот даде „свечено ветување“ – ако тоа се случи тој ќе трча гол еден километар низ улиците на Лисабон.
Една седмица подоцна Вајгл навистина потпиша договор со Бенфика, а навивачот не само што го исполни ветувањето, туку и сними видео од својот нудистички настап, само со шал на Бенфика околу својот врат.
„Моето име е Дуарте Мендез и како што знаете, на 17 декември напишав дека ќе трчам гол ако Вајгл дојде во Бенфика. Денеска сум овде за да го исполнам ветувањето. Бог простува, но Џулијан не“ – изјави навивачот на Бенфика пред да ја истрча километарската патека.
Видеото од трчањето на разголениот навивач на Бенфика можете да го погледнете ОВДЕ .
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА