Карлос Алкараз и покрај неочекуваните проблеми се пласираше во второто коло на АТП турнирот во Барселона.
Алкараз го совлада Американецот Итан Квин со 2-0 во сетови 6-2, 7-6(6), по нешто помалку од два часа игра.
Шпанецот на тој начин закажа дуел со Ласло Џере, во следното коло на турнирот.
Алкараз се мачеше во дуелот со големиот аутсајдер, во својот прв меч по освојувањето на титулата во Монте Карло. Иако во првиот сет го „прегази“ ривалот, во вториот се намачи, па Американецот на теренот „Рафаел Надал“ поведе со 3-1. И токму кога се чинеше дека Алкараз го скрши својот ривал правејќи брејк за 6-5, Квин веднаш врати и го воведе мечот во тај-брејк. И тука – драма. По дури девет мини-брејкови во 11 поени, Квин стигна до сет поен на сервис. Напаѓаше, но погреши, па Карлитос и на крајот победи во два сета.
The shot. The extended grunt. The celebration.@carlosalcaraz lighting up Pista Rafa Nadal
#BCNOpenBS pic.twitter.com/omgeNr0XAa
— Tennis TV (@TennisTV) April 15, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
