На покана на својот поранешен клуб, претседателот на КФСМ, Перо Антиќ деновиве е во посета на НБА-лигашот Атланта Хоукс.
Во главниот град на американската сојузна држава Џорџија, предводникот на македонската кошарка, имаше убава можност да се сретне и со дел од соиграчите со кои настапуваше во периодот од 2013 до 2015 година.
Антиќ имаше средба и со еден од најдобрите шутери во најсилната лига на светот, Кајл Корвер, како и Екпе Јудо, кој сега е дел од стручниот тим на Атланта, а заедно со Антиќ беше дел од славниот тим на Фенербахче од Истанбул со кој стигнаа и до титулата на шампион во Евролигата.
Претседателот Антиќ стигна да биде и дел од публиката на натпреварот меѓу екипите на Атланта Хоукс и Мајами Хит, и да му даде поддршка на тимот од Џорџија, за кој сега настапува уште еден негов голем пријател – Богдан Богдановиќ.
Освен тоа беше почестен, со специјално интервју, и да го најави овој натпревар, исклучително важен за Хоукси, ако се знае дека се во борба за местата кои водат во плеј-офот од НБА лигата…
“𝗬𝗼𝘂 𝗸𝗻𝗼𝘄, 𝗶𝘁’𝘀 𝗯𝗿𝗼𝘁𝗵𝗲𝗿𝗵𝗼𝗼𝗱. 𝗧𝗵𝗶𝘀 𝘄𝗮𝘀 𝗵𝗼𝗻𝗲𝘀𝘁 𝗹𝗼𝘃𝗲.”
Pero Antic is back in Atlanta!@BobRathbunTV | @antic12pero pic.twitter.com/Qdi1Kt0td5
— Bally Sports: Hawks (@HawksOnBally) April 9, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
